Amizade

Considérome umha persoa com muita sorte por estar rodeado de xente tam especial,a verdade é que som umha persoa que se atopa rodeado dum grandioso (em todos os sentidos) grupo de colegas dos sempre se pode aprender cousas e aos que sempre ando atormentando cos meus rolhos raros.
As companheiras do trabalho entrarom na minha vida há tres anos e dende o primeiro momento tratáronme como um máis,ajudandome sempre que o precisaba e ensinándome a ser o que som a nivel profesional. Som como esas irmas maiores que sempre tenhem umha palavra de animo os días que um esta triste ou dánche um tiróm de orelhas cando vem que andas metendo a zoca.
Os amigos de Maninhos somche boa xente, as súas ideias nom som as minhas mas por iso nom os podo crucificar. Com eles o melhor é pensar em outros temas cando falam de política e outros rolhos, mas tenho pasado muitos momentos boisimos temos rido muito e temos montados boas festas. E que dizer das dúas rapazas maravilhosas que dende que eramos pequenos me rodeam, com momentos bos e malos mas som dúas joias que na minha vida pintam muito.
Da xente de Compostela que dizer. Por um lado estam os da facultade, ultimamente os tenho algo abandonados, umha xente ESPECTACULAR. É certo iso que dim de que um cando marcha de casa tem umha segunda familia a que recorre nos momentos complicados, e iso fixo que conhecera a xente aos que nunca poderei olvidar e dos que nunca poderei prescindir porque cando um precisa falar som persoas que respeitam o que penso mas nom calam á hora de dicirme que estou trabucado. Canto os tenho martirizado cos meus rolhos e nunca tiverom umha mala palavra, ogalha eu resultara de tanta ajuda como o som eles para mim.
Logo estam os "energúmenos" da XA , vaia gentinha. Esas manifestaçóns , eses botelhóns em Belvís, ese descontrol etílico (que nos facía falar com calquera a mínima de cambio), a festa com eles tem outro significado. Canta xente conhecim as veces que saim com eles, com cantos grupos falamos (há istorias míticas) e cantas montamos na capitol. Xente coa que um nunca tem um momento para o aburrimento nim para pasalo mal, estar com eles fai que um se esqueza por um momento do día a día.
Por último, em Compostela há um grupo de persoas maravilhosas coas que sempre se aprende algo, cada día com eles é umha experiencia. Dende o primeiro momento em que os conhecim tratáronme dum xeito fenomenal, recibíronme cos brazos abertos e som umhas persoas excepcionais. Saír com eles de noite tem um significado especial, podes falar de cem mil cousas diferentes e sempre acabas sacando algo novo, umha ensinanza, a minha vida mudou muito dende que os conhecim porque fixéronme máis persoa e ensináronme a querer máis a Galiza (é creo que era difícil). Sempre que os chamei para algo nom dubidarom nim um momento em colaborar na liada na que os metía. Conhecim a umha persoa que podería ser ese irmao que nunca tivem e que cando falamos dalgumha cousa acontecida na nossa vida sempre acabamos dicindo estabas alí (obrigado amigo) .Som tam xeniais que até conseguirom que fora a Valga, que grandes sodes.
Tambem há umha persoa, que nom podo incluír em ningum destes grupos. Umha persoa coa que tenho pasado moi bos momentos (algum mal momento tambem tivemos), coa que tenho rido e bromeado muitas veces. Mas nos últimos tempos cometimos um grave erro, um erro que podería chegar a custar a amizade e a verdade é que creo que esa persoa coma o resto que me rodeam som necesarios na minha vida. Mereces o melhor e seguro que terás a sorte que precisas.
Sem olvidar a familia, tambem a política esa curmá vasca, que sempre respeitarom as minhas ideias e sempre me botarom umha mam e cos que tenho pasado moi bos momentos.
Por tudo isto podo considerarme umha persoa afortunada por estar rodeado desta xente. A verdade é que um nom sabe se esta a vossa altura, intentase. Nom sei como darvos as gracias por todo o que me aportades, polo apoio, os conselhos e os tiróns de orelhas (que as veces som necesarios).
Antes de despedirme dicirvos que este é o último post (salvo novidade) deste blogue. Nos vindeiros días voume de feiras a um país de outro continente, intentarei desconectar e se a volta estou com ganas voltarei a abrir a porta do castro, se nom o fago obrigado a todos os que pasachedes por aquí (sei que pouco aportei) e foi um prazer.

Som eles os atacados?

A vindeira segunda feira estam chamados a declarar num julgado de Vigo tres militantes da AMI, o motivo nom é outro que umha denuncia presentada polo colectivo de extrema dereita espanholista falacia bilingüe.

A denuncia presentouna este colectivo antigalego porque os mentireiros desta seita consideram que o trabalho audiovisual realizado pola AMI no pasado mes de maio incorre em dous delitos un "contra as liberdades fundamentais" e outro de "ameazas e coacçóns" .Na Galiza os únicos que atacam as liberdades fundamentais som eles que estam atentando continuamente contra este país coas mentiras que día a día vendem nos seus mass media afíns, falando dumha persecuçóm contra o castelam que nom existe já que como dixem noutras das minhas parrafeadas a única lingua que esta perseguida na Galiza é o galego.

Já anteriormente dixem que o trabalho da xente de AMI parecíame bastante bom e de feito chamo a toda a xente a que o veja e que saque as conclussons. E decirlhes aos da falacia que se vaiam a Espanha se querem falar espanhol que na Galiza já estamos cansos de aturar as parvadas deles. Que aquí os que querem acabar com umha lingua som eles, nom somos nós, nós queremos usar a nossa livremente algo que a día de hoje nom se pode facer.

Dende aquí nada máis, so transmitir o meu apoio a xente de AMI que o vindeiro día 29 vai ter que ir a julgado a prestar declaraçóm por um delito que so vem uns paranoicos pagados pola extrema dereita espanholista.

Aí vos deixo um novo trabalho desta xente, um trabalho onde nom casam com ninguem.

Asembleias por delegados

Estes días anda pola prensa a nova de que no BNG volve a treboada interna pola convocatoria dumha nova asembleia nacional coa novidade de que esta já vai ser por delegados em vez de aberta a militancia.

Estám no certo os que dím a asembleia por delegados foi aprobada na última asembleia nacional celebrada em decembro do 2006, mas tambem deberíam ter em conta dúas cousas. A primeira é que o resultado da votaçóm nom foi todo o aplastador que algúns contabam (58- 42) e segundo que o BNG sempre se definiu como umha organizaçóm asembleiar.

O motivo polo que se tomou a decissom de facer a asembleia por delegados eu creo que está claro, a certos sectores cada vez lhe custaba máis mobilizar as súas bases e na asembleia comarcal era máis sinxelo.

Nom creo que o motivo foram o que intentarom vender no seu día, eso de que umha asembleia nacional era moi custosa porque a organizaçóm medrara muito no número de afiliados. Nom sei cantos afiliados terá o BNG a día de hoje mas seguro que o número nom medrou tanto como querem vender.

No fondo o que querem facer com esto e facer do BNG umha organizaçóm semelhante ao resto, onde as decissóns tómanse dende a direcçóm e logo a militancia debe defendelas. Onde o poder do militante deixa de influír, deixa de ter a súa oportunidade de dizer o que pensa na asembleia, todos debemos ser o militante obediente e dizer que si a todo o que nos dim dende arriba. Para que vale ser militante dumha organizaçóm num sistema así?

Eu o que penso, é que com estas medidas o único que consiguem e seguir afastando o voto desa xente que cría que o BNG era umha forza diferente. A día de hoje o BNG pretende abarcar um espectro tam amplío de voto que o único que consegue e perder o voto da persoa com conciencia de país, e ganhar voto dos estómagos agradecidos que antes votabam pp e agora votam BNG, mas nom é um voto ideolóxico. Chegara o momento em que baixem do carro oficial e o levaram o gram hostiazo, e ao ritmo que vam as cousas é algo que vexo factíbel em calquer momento porque abandonouse a ese povo co que sempre estivemos na rúa.

Desencanto

Nos últimos tempos esa sería a palabra que melhor define a minha vida, porque síntome desencantado, nom gosto de muitas cousas que vexo mas empezo a dubidar se merece a pena luitar contra elas.

Como já dicía fai um tempo estamos metidos numha gram cruzada do espanholismo para acabar com nós, coa nossa identidade como povo. Seguem atacando a nossa lingua falando de imposiçóm, cando o único idioma que se lhe impuxo a este país foi o castelam, é raro o día em que nom sae merda das súas bocas (informes de clubes financeiros, empresas com manifestos raros, políticas fachas que venhem a vender mentiras). Um día alguém debería pararlhes os pés e decirlhes as cousas com claridade.

O problema nom é ese, o problema é que cada día noto que polo menos eu empezo a estar sem ganas de luitar. Empezo a notar o meu desencanto com esta situaçóm mas nótome sem ganhas para defender as minhas ideias, suponho que seram momentos mas atópome desencantado .Ogalha sexa algo puntual é as cousas voltem a ser como antes porque tampouco me sinto cómodo mas nom tenho ganas de facer nada. Por sorte sei que estou rodeado de xente que seguira defendendo esas ideias nas que cremos, obrigado por estar aí, e dende aquí vos pido desculpas por estar fora de jogo.

O cambio polo que luitamos

Vam tres anos dende que este país decidiu botar aos gaivotas do poder, e parece ser, que os que chegarom para sucedelos olvidaronse do que nos dicíam e andam a cometer os mesmos erros que os anteriores. Agora nom vou falar do goberninhos vouno facer do caso que lhe aconteceu a umha persoa que se criou preto do castro.
Um rapaz participa num certame literario organizado por certo concelho, governado polos gaivotas, e tem a fortuna de vencer. Como ganhador do certame correspondelhe umha cantidade de dinheiro e a publicaçóm do seu poemario, mas todos sabemos como som as cousas. O poemario tem que esperar um tempo porque a editora é pequeninha e leva atraso na publicaçóm das obras ganhadoras, o tempo pasa e por circunstancias da vida aos gaivotas danlhes pasaporte para ponher ao bipartito de turno.
Convocase de novo o certame,o XI Certame, e ganha umha persoa. Os poemarios atrasados vam saíndo e o galardoado da X ediçóm segue agardando que saquem o seu, que fora premiado a finais do 2006. Um día queda sorprendido porque le que vai saír o poemario premiado o ano despois del e a sorpresa crece cando ve que o libro segundo aparece como o galardoado na X ediçóm.
A persoa acode a falar co concelheiro responsábel e atopase co argumento de que o libro o tinham que publicar os que estabam antes que eles nom tenhem nada que ver co tema.
Este foi o cambio polo que este país luitou tanto tempo, o único que queriamos era um país no que cambiaram as cousas nom que cambiaram os que facíam as cousas e sigam cos mesmos métodos que os anteriores.
Que publiquem o seu poemario e se deixem de gilipolheces, que cumpram co prometido cando convocarom o certame, porque eu creo noutra forma de facer política diferente a que temos, cambiarom cousas mas nom todas as que tinham que mudar, e a que tivemos.

Romaría de aniversario

A semana pasada vivimos em Maninhos o aniversario da que pasa por ser a romaría laica máis antiga da provincia da Corunha, o 75 aniversario. Para esta celebraçóm dende a A.C.R.D. O Pote preparou umha jornada cargada de actos.

A romaría do Pote vem sendo o acto máis importante que realiza a sociedade mas nom é o único que se realiza, durante o ano a sociedade realiza umha serie de actividades aberta a toda a xente e tambem organiza jornadas específicas (como bailes e a semana cultural das letras galegas).

Como comenta no seu blogue Mario a sociedade do Pote para muitos foi o primeiro punto de contacto que tivemos co país, aínda que eu tinha 4 anos recordo um concerto que se fixera no campo de futebol onde tocaram Fuxan os Ventos e Milladoiro. Recordo aqueles bailes de entroido,as clases de gaita(nas que nom avanzei nada) ou as de debuxo, cando jogabamos ao futebol sala ou ao balonmam na equipa da sociedade. Para mim a sociedade é um ejemplo a transmitir ao país, sei que na actualidade nom goza da melhor saúde mas este tipo de sociedades levarom ao concelho de Fene ao seu máximo esplendor a principios dos 80 e cando vejo aos centros sociais a ideia que me vem a cabeza e a do Pote e o resto de sociedades do concelho.

Mas volvendo á festa deste ano vouvos contar as sensaçóns que vivim ese día. A verdade que cando espertei asusteime porque estaba chovendo e vía que o trabalho que realizara a xente da organizaçóm podía botarse a perder, e sei o duro que é porque o ano pasado cando eu estaba na directiva pasounos.

A verdade é que o susto pasou e empezou a abrir o día, e creo que se debeu a que o primeiro que tocou foi o nosso punki, que nom deixou indiferente a ninguém, tocou o repertorio do Leio e aínda que eram as 12 da manha já fixo que o corpo pedira as primeiras cervejas do día.

Logo foi o turnos para as cantareiras de A.C. Alende, um grupo de cantareiras chegadas das Pontes e que derom paso ao pregóm. Para rematar a manha tivemos a sorte de escoitar a María Manuela, a que foi a minha primeira profesora de debuxo e coa que tivem a sorte de falar um tempo ese día.

A verdade é que o momento do día foi poder compartir uns minutos com Mini e Mero, Leo e umha persoa de Maninhos pola que sinto muito aprecio e que foi o responsábel de que A Quenlla vinhera a romaría. Estar ao lado desta xente para mim foi algo espectacular mas o que máis me chegou foi escoitar a Mini no cenario dizer o que significaba para eles voltar ao Pote 30 anos máis tarde e os bos recordos que tinham das veces que estiveram aquí, do ilusiónante que para eles era a sociedade a finais dos 70 e principios dos 80 cando se luitaba por um país diferente um país polo que aínda temos que luitar. A verdade é que as palabras fixéronme sentir orgulhoso de formar parte da sociedade e que o meu povo para esta xente significara tanto.

Pola tarde tivemos a actuaçóm dum prodixio da acordeom um rapaz de 12 anos, Serafín Santamariña, das acordeonistas As Dúas, A Quenlla e do Bellón-Maceiras quinteto.

Ao final foi um día que vou recordar toda a minha vida porque estivem com xente que para mim som um ejemplo e porque puidem compartir a jornada com muita xente que facía tempo que nom vía.

O meme da fim do mundo

O amigo residente da illa de Gorée deixoume um recado estes días para que fixera um meme
Se fose a fim do mundo:

Que tema che gustaría escoitar?
Ultimamente a verdade é que estou escoitando diferentes cousas, de diferentes interpretes. Mas gracias a um amigo descubrim umha obra que si me gostaria escuitar em directo “Campanades a Morts” de Lluis Llach (despois de ver a interpretaçóm que fai no documental “La Revolta Permanent”

A que livro lhe botarías un olho?
Tenho pendentes varias lecturas, já que a última vez que fum a Compostela merquei varias cousas para ler. O que leo ultimamente som livros de historia e biografías de xente interesante, tambem tenho pendentes os livros de Estaleiro.

Con quen che gustaría falar?
Co colegas de Compostela, este verám nom nos vimos muito e um já empeza a botar em falta esas conversas mentres tomamos umha cerveja antes de saír de festa.
Tambem tenho ganas de falar com umha boa amiga, porque gosto das conversas que tenho com ela.

Que che gustaría comer?
A verdade é que si o meu verám tem algo anormal e o tema das comidas. Entre patróns, reunións familiares e ceas cos colegas a estas alturas nom tenho ningumha interese em comer nada especial.

Que farías e que che queda pendente por facer?
Muitas cousas.
O primeiro que faría sería ir colhendo a viagem para as ferias do mes que vem e quedar coa xente que preciso ver.
Cousas que me quedam pendente há tantas que nom sei por onde empezar.

Creo que já cumplim umha parte do me encargou a outra prometo facela tambem.

O que nom sabiamos

Hoje olhando a rede atopei este vídeo do especial 25 de julho da tvg. Como podedes olhar a partir do minuto 2.40 estabamos enganados e nom o sabiamos que eramos portugueses, mas o que mais me surprende é que estas palabras venham da cantante dum grupo espanhol, que catering tinham nesa gala? o famoso almorzo continental do que tanto falaba Carlos Blanco na época de monologuista?.

Aturar

Há veces em que a um lhe saem mal as cousas e vive momentos de moral baixa, eu nestes momentos estou así. Como muitos dos que me conhecedes sabedes ultimamente estou num momento da minha vida de desencanto militante e algum teminha máis que me ronda a cabeza.

O que nom agardaba que pasara era que a selecçóm do estado colonizador chegara a final da Eurocopa. Estes días encendes a radio pos a tele e estam os espanhois falando da "roja", vaia tambem forom dar co nome, mas eu chamareina a inquisidora. Inquisidora porque para chegar aí impidem as selecçóns nacionais da Galiza, de Euskal-Herria e dos Paisos Cataláns competir a nivel oficial e o fam por medo. O medo que tenhem a que os superaramos e por eso nos impidem participar.

Estes días se te paras a ouvir ou ver as novas, escoitas um discurso moi semelhante ao que esas mesmas persoas criminalizam a diario, mas claro este discurso vem do poderoso. Nom vem dum cidadám de Euskal-herria, dum catalám ou dum galeguinho vem do colonizador, ese que se rasga as vestiduras contra os nacionalismos periféricos.

Dicir tambem que alegrome que algum político nacionalista, nom é o caso dos galegos, que nom tem medo a saír num mass media espanhol decindo que nom deseja a victoria de la Inquisidora e alegrome que alguem o diga porque a minha voz e a de muitos estes días nom teria cabida em ningum deses medios desinformativos.

Tócanos sufrir, se ganham haberá que aturalos com calma e intentando nom perdelas formas demostrando a nossa indiferenza. Porque eles ganharam mas nom poderam berrar tam alto e forte como facemos nós, porque o nosso himno tem letra e o deles nom.

Azul

Os últimos días saiu á luz umha estrela azul que deseja borrar da memoria outra vermelha. Pensando que proposta podía facer neste tema recordei fai uns anos em Pontedeume sonaba um tema musical algumha noite que outra no Odeon, despois de muito buscar atopei o tema.
Proponho que em vez de usar Berrogüetto usem este tema nos actos do BNG.

A Europa social?

Tinha pensado falar das estrelas azuis e do traslado de ENCE, mas nas últimas horas o parlamento europeio vem de aprobar a medida máis grave em muito tempo contra a clase obreira a aprobaçóm da directiva que aumenta a jornada laboral a 65 horas semanais.

Suponho que os primeiros que tomaram nota da medida aprobada serám os ministros da UE e todos os deputados do citado parlamento, eses senhores que trabalham da terceira feira a quinta e logo tenhem a bem cobrar umha cantidade de dinheiro desorbitada e fora da realidade dos soldos que cobra a xente que eles representam.

Mas nom vai ser asim, vai pagar o pato o pobre trabalhador o mesmo que esta sufrindo a crise. Crise da que nom é culpábel porque nom foi el o que pensou que o melhor xeito de facer um estado de benestar era nom creando industria e so adicándose a especular co cham e tampouco é responsábel de que algumha mente “espabilada” tivera a bem invadir um país por conseguir negocio para os seus amigos.

Cada día que pasa tenho máis clara umha cousa, os partidos políticos que estám num parlamento nom podem ser considerados de esquerdas porque cada dous por tres estam traizoando os seus ideais. Mentres pregoam que os soldos debem manterse estábeis polo momento em que vivimos eles tomam medidas para subir os seus soldos ou para cobrar o día de manha pola súa labor realizada. Eu som dos que creo que os políticos estám para facer umha labor nom para lucrarse desa labor, mas debo ser eu o que estou trabucado.

O que si creo é que os sindicatos da UE debem empezar a pensar em tomar medidas e preparar umha gram greve que afecte a todos os países membros, porque se permitimos que esta medida saia para adiante o que vamos facer e permitir é que se perda um luita que custou muito ganhar. Por iso creo que urxe um posicionamento serio porque se os sindicatos permanecem parados e nom fam nada cando nos demos conta a directiva já esta aprobada e nom haberá volta atrás.

Em piragua pola ría

Dende pequeno sempre fum namorado de todo o que tinha que ver co mar, sempre me atraeu a ideia de probar a montar numha piragua e onte por fim tivem a oportunidade grazas a um amigo.

A experiencia transcorreu no entorno de Mugardos, saíndo da súa praia e chegando ate as portas de Punta Promontorio, sim as portas da mole de Reganosa e Forestal (algum día haberá que falar desta empresa que para muitos pasa inadvertida). A verdade é que me gustou muito e conto voltar a repetila e facelo melhor do que o fixem desta vez, tivem algum problema co timom da embarcaçóm e cando um barco que saia do peirao de Curruxeiras (Ferrol) provocou algumha onda mas nom se produciu ningúm problema destacábel.

A verdade umha das cousas que máis me chamou a atençóm foi que na zona da praia de Mugardos podíanse apreciar muitos peixes, algo destacábel vendo o estado no que se atopam as augas da ría. Na zona do peirao de Mugardos notábase umha gram cantidade de aceites na superficie da ría e tambem a gram sucidade que había em Punta Promontorio. Pódese dicir que temos as nossas rías em estado terminal e que já urxem medidas para resolver este problema ou cando nos demos conta teremos perdido a gram riqueza que suponhem.

Esta claro que as políticas levadas nos anos do ministro franquista coas axudas europeas nos levarom as nossas rías a estar neste estado. Inverteuse o dinheiro em paseios marítimos, mausoleos e portos deportivos deixando a um lado o saneamento das nossas rías co que significa isto, a perdida dum dos nossos recursos que nos fai únicos as rias.

Hoje vos quería falar da experiencia e nom do estado das rías asim que vos deixo, cum conselho se algum día podedes nom deixedes de probar a experiencia de montar numha piragua porque poderedes olhar as cousas dende o lado contrario que a maioría das veces, é dicir, dende o mar.

Luita e orixinalidade

Pasou o día das letras e deste ano vou destacar o trabalho audiovisual realizado pola xente de AMI. O día 16 pola noite botandolhe umha olhada á rede, atopei um nova que falaba dum vídeo chamado Vilingüismo realizado pola xente desta organizaçóm.

Rapidamente entrei na páxina em cuestom e olhei o magnifico trabalho realizado, cumha mensaxe clara e concisa "o único idioma que corre perigo na actualidade é o galego". Dende o momento em que rematei de olhar o vídeo púxenme a pensar no xeito de dar a conhecer o trabalho realizado por esta xente, empecei a mandar correios aos meus amigos para que nom perderam a oportunidade de olhalo e o descarreguei para deixarlho a xente próxima.

A verdade é que do vídeo o que máis me chegou foi no momento em que logo de liberarnos da lacra dos espanholistas empezabam a falar coa xente e lhes dim que si quere ser esta a xeraçóm de galegos que bote a perder a nossa lingua. Se em 500 anos de repressom, persecuçóm e imposiçóm nom o conseguirom porque temos que ser nós os que fagamos eso, eu cada vez que o penso ponhome de mala hostia. Canta verdade e canto noxo damos as xeraçóns actuais, som muitos os que crem que co nosso idioma nom vamos a ningum lado, ao melhor os que nom vam a ningúm lado som eles por pensar así.

Da xente que conhezo que viu o vídeo a maioría dim que esta moi bem, que a mensaxe que intentam transmitir é acertado. Os únicos improperios que vim olheinos no foro de Falacia Bilingüe, e o único cualificativo que usam e o fomento do terrorismo (sempre recurrem ao mesmo argumento), pregúntome esta xente cando ve South Park ou Padre de Familia seguro que escacham coa risa cando vem algo semelhante.

Outras das novas destacas e tambem recomendábel para todos é o último número da revista retranca onde fam umha análise da imposiçóm do galego que vem algúns, co título das Bolas de Galicia Bilingüe. Os que aínda nom o tenhades correde ao quiosco e mercádeo, a revista está moi bem todos os meses mas este sáese (grande Kiko Da Silva).

A verdade é que ha sectores do país que nom calam ante o que esta pasando e eso fai que polo menos eu me atope com ganas de seguir trabalhando por este país porque som muitas as veces que a um se lhe pasa pola cabeza mandar tudo a merda e deixarse levar.

Festa rachada

Por um día vou falar de algo diferente. Esta sexta feira houbo festa rachada na capital da nacçóm, co motivo da celebraçóm do aniversario do cineclube Compostela e estas festas som recomendábeis polo bem que se pasa (eu já disfrutei da do ano pasado). Este ano a festa foi apoteosica sendo um éxito a todos os niveis (daba gusto vela gentalha chea de xente). A festa tinha umha defendía umha ideia que todos debiamos ter presente “A propiedade intelectual é um roubo”

A festa estaba bem programada, comezaba ás 8 da tarde co pase dumha película eu por motivos axenos a minha vontade nom pudem chegar á película. Despois a xente de Berrobambán teatro fixerom a súa aportaçóm á festa facéndonos quentar os motores da apoteose que estaba por chegar.

Logo comezou a tomar peso a música na festa. Empezou Emilio José, a verdade é que eu aproveitei o momento para tomar uns grolos e colher azos para o furacám ataque escampe que presentabam ante os seus fans máis radicais o seu primeiro cd de título tam forte como real Galicia es una mierda. Que dicir dos ataque escampe em dúas palabras im-presionante, lamentar o gram número de mancados que houbo durante o concerto aínda que nom há que lamentar ningumha lessom grave. Entre berros de o cineclube es una mierda do publico rematarom o concerto.

A continuaçóm sairom ao cenario o gram Leo e Garcia de DKTC, um espectáculo novidosos quixerom facerlhe a Celso Emilio Ferreiro. Empezou Leo co seu recordo aos “admirados de Galicia Bilingüe”, eses grandes defensores da liberdades, adicandolhes a súa cançóm Bilingüismo harmónico. Logo tocoulhe o turno a Garcia que recitou em clave hip hop um poema de Celso Emilio e así até o remate.

A traca final foi ver tocando xuntos a Leo, Emilio José, Garcia e os Ataque Escampe. A festa que empezou ás 8 da tarde rematou varias horas máis tarde, a festa na gentalha porque logo continuou por outros antros de Compostela.

Dicir que durante a festa había postos de venda de camisolas co lema a propiedade intelectual é un roubo, o novo cd dos Ataque Escampe e o primeiro libro de estaleiro editora (a que lhe desejo dende aquí muitos éxitos).

A próxima festa anímovos a acudir porque o ides pasar em grande.

Inocentada?

Já sei que lhe debo um meme a um amigo e prometo facelo agora que estou máis livre. Pero é que precisaba comentar esta nova.

Inocentada é a primeira ideia que se me pasa pola cabeza despois de ler o informe do Movemento polos Dereitos Civís (MpDC) que vim onte num jornal galego, e digo que foi a primeira ideia porque proximamente celebrase o día dos inocentes nos países lusofonos(senom estou trabucado). O primeiro que se me pasou pola cabeza foi estam de broma, mas a cousa é máis preocupante do que poderiamos pensar.

Eu creo que cando actuam deste xeito o que estam é recortando as liberdades e atacando as ideias da xente. Cal é o delito? sentirse galego? nom o entendo logo dirám que no jogo “democrático” no que vivimos nunca se atacam as ideias só se atacam aos que nom participam no jogo.

Nom toda a xente que leva um autocolante do carro co Gz é nacionalista nim independentista, haberá persoas que o levam porque querem a Galiza sem deixar de sentirse espanhois. É ainda que foram nacionalistas cal é o delito? pensar diferente ao que o sistema nos pretende vender como o ideal que dano fai umha persoa por levar o escudo nacional o distintivo ou a bandeira nacional do seu país.

Por que se está a perseguir a organizaçóns políticas, sindicais ou culturais? cal é o seu pecado?. Nom o entendo, estamos numha espiral neste mundo e falo de mundo porque é a ideia dos grandes países de crear medo e recortar liberdades. Nom há dereito a pensar diferente nom podes dicir que eres galego e nom te sentes espanhol sem que acompanhem da palabra “terrorista”, que já me diredes que tem que ver umha cousa com outra. Terroristas há muitos e nom so num bando o que pasa é que vivimos numha sociedade onde se criminalizam as ideias sem dereito a discrepar co sistema predominante.

A verdade cada día que pasa vivo máis abraiado co que vexo e o pior é que sempre acabam conseguindo os seus obxectivos como se deixou ver nas ultimas eleicçóns espanholas onde ganhou a súa ideia de modelo bipartidista.

Perdim a virxinidade

Era sábado seríam sobre as catro da tarde, descolguei o telefone. Ao outro lado da línea umha voz feminina falándome em espanhol. Ela presentase di para quem trabalha e empeza a preguntar.

Eu pensando alguém estará tomándome o pelo, vou poder dicir o que me sae do caralho. A primeira pregunta e cantas persoas vivem na casa e as idades que tenhem, contesto. Pregúntame a minha idade e empeza o interesante, a primeira pregunta é a que partido nom votaría nunca, eu contesto aos espanholistas. O outro lado da línea silenzo, a rapaza pregunta, a que te refires por espanholistas? eu tento explicarlho e ela parece entrar em razóm.

Logo toca preguntar se vou votar, digolhe que creo que sim, pregúntame a quem e contesto. Pregúntame como me defino ideoloxicamente digolhe que som de esquerdas e independentista, ela cala. Agora toca analizar lideres políticos, nom aproba ningúm aos do PP doulhes um 0, aos do psoe e o do BNG levam um 2 (para mim é o que se merece incluso algo menos) e Llamazares um 3. A tía cala, parece nom entender nada e volve a preguntar polo líder do BNG digolhe que um 2.

Dime para rematar quería preguntarlhe se é cristiá, ateo ou profesa outras relixións ao que eu lhe contesto ateo.

A rapaza despídese dáme as gracias, a metade da entrevista (cando lhe dixem os dos partidos espanholistas) mudou de idioma e pasou ao galego. Por fim vou ter voz nas enquisas, sento de novo no silhom e empezo a cavilar. Miro en internet máis dados sobre a empresa que me chamou e cal é a minha sorpresa que trabalha para medios próximos ao PP.

Que está sucedendo?

Nos últimos tempos estam sucedendo no país cousas moi graves sem que ninguém se ponha colorado. Primeiro foi A Corunha, logo Compostela e Vigo, mais se seguimos observando seguro que em outros lugares tambem sucedeu algo.

Actualmente estamos vivindo ataques ao nossos intereses como cidadáns dumha nacçóm moi graves. O acontecido num país com umha democracia real sería algo moi grave mais no mundo onde vivimos o ataque é o que sofrem eles.

O acontecido na Corunha com umha concentraçóm pacifica ante os que falam dum mundo de fantasías onde esta imposto um idioma foi o comezo dumha espiral que a calquera irritaría. A organizaçóm convócante da concentraçóm reúnese todos os venres para defender a liberdade do castelám, nom sabia eu que o castelám estaba perseguido na Galiza,um grupo de persoas (máis numeroso que os outros) decidiu decirlhes que aquí o idioma perseguido é o galego e cal foi a resposta que se deu a esa concentraçóm pacifica pois foi a única que sabem dar paus e manipulaçóns mediaticas.

Cando aínda estaba recente o de Corunha saltou as paxinas umha suposta agressom a umha política da extrema-dereita espanhola. Umha persoa que nom tem ningúm rubor em gabar o franquismo, com iso se diría todo desta persoa mais o lamentábel é que os culpábeis na democracia na que vivimos som os apaleados polos gardacostas desta elementa. O acontecido na facultade de económicas de Compostela e todo ocorrido arredor dese acto é um suceso moi grave. A detençóm dos rapaces que participarom numha convocatoria de repulsa a presenza desta “demócrata tam conhecida” vem a demostrar a que nom existe a liberdade de expressom. O problema máis grave é que estamos em época electoral e há algúns que so sabem facer a política do medo e o pior é que o resto de partidos nom so nom lhes levam a contraria e repudiam as actitudes desta xente senom que tenhem a cara de saír defendendo a xentuza deste tipo.

Cando todo esto estaba a ocorrer ja andaba polo país o bus da burla o da asociaçóm de extrema-dereita Galicia bilingüe, reclamando como os da Corunha nom sei que igualdade de trato, nom sei em que mundo vivo eu mais o que esta claro é que onde eu vivo o castelám nom corre ningúm perigo. Esta xentinha tenhem um bus que percorre o país recorrendo sinaturas, o máis curioso é que o bus tem matricula de Portugal e um condutor brasileiro. Estes animais o outro día em Vigo vinherom a demostrar as súas formas o demócratas que som e como defendem a liberdade da xente.

Que está sucedendo no nosso país de onde esta a saír esta xente resentida que anda atacando a nossa lingua baixo umhas desculpas que ninguém comprende. Estes grupos estám apoiados por alguém porque estam realizando campanhas com um alto custe económico.

Por outro lado podemos sentirnos orgulhosos de que ante os ataques que esta a sufrir o nosso país ha xente que lhes esta plantando cara, o que é um bo síntoma.

Nom só é um berro, é um sentimento

Porque o que lhe pasa ao nosso país doenos governe quem governe. Porque para nós é o maís importante e sentimolo asi.

Perigo chegam as eleiçóns

A verdade é que é raro o ano no que nom há eleiçóns por eso chega um momento que che fai pensar se nom se deberíam facer o mesmo día cada 4 anos todas as votaçóns em vez de gastar todo o dinheiro que se gastam em campanhas electorais cada ano. Mais hoje ese nom é o tema a tratar, hoje vou a falar das promesas e demais cousas que pasam ao redor dos períodos electorais.

A verdade é que estas eleiçóns nom me importam muito porque há que optar entre dúas opçóns que nom me convencem, digo dúas porque me refiro a presidencia do governo, máis tarde falarei do congreso. E digo que no me convencem porque som dos que creo que os dous partidos venhem a significar máis ou menos o mesmo, exceptuando os temas sociais (ou algum). A política económica dos dous é moi semelhante e senom fora asim os poderosos nom deixariam que os que nom lhe gustaram acadaram o poder.

Umha vitoria do PP suporía um recorde maior das liberdades persoais e um retroceso no avance do autogoverno do nosso pais. Fai uns días saia o inútil de Rajoy dicindo que se ganha vai implantar a ensinanza do castelám em todo o estado. Este home nom debe conhecer a situaçóm real das linguas ou polo menos o que pasa na Galiza onde a maioría dos centros educativos incumprem umha lei impulsada polo seu partido cando nos mal-governaba.

O PSOE nom é ningumha garantía de que as cousas vaiam a melhorar. Ja vimos como forom estes catro anos, muitas promesas e muito talante mais nom se adiantou nada nas cuestións nacionais nim na definiçóm do estado espanhol. Acadáronse algumhas leis a nivel social que eram necesarias pero cal foi o custe, este governo foi o que máis dinheiro deu a igrexa católica dende a transiçóm, e nos últimos días vemos como o governo nom fixo nada ante o ataque a liberdade das mulheres no tema do aborto.

Pero vamos ao que realmente nos interesa aos que sentimos esta naçóm, que é o bom para o nosso pais?. A verdade é que estamos ante a dubida de sempre para muitos, os partidos espanhois nom som ningumha opçóm posíbel mais o BNG actual segue de capa caida e segue coa linha autonomista e sem dicir claramente cal é a súa meta.

E eu pregúntome, no caso de que o BNG sufra um pau gordo nestas eleiçóns cal será a leitura que fará dos resultados a executiva da organizaçóm. Seguira fechando os olhos como esta facendo ultimamente ou variara o rumbo erróneo que leva nos últimos anos.

A ideia do BNG para estas eleiçóns e acadar grupo parlamentar proprio no parlamento espanhol, a ideia soa máis a utopía que a umha posibilidade real.

E que fará o día despois das eleiçóns se os seus aliados bascos e cataláns pactam co PP, rompera a súa alianza ou terá a desvergonha de calar ante tal incongruencia. Nom sei o que pasara mais as cousas pintam mal para a organizaçóm, o BNG intenta vender a ideia de forza com poder em Madrid e a minha opiniom é contraria.

Chegara o día, a xente votara mais a situaçóm da maioría dos mortais nom vai variar, conseguir um piso seguira sendo tam difícil, acadar um posto de trabalho digno seguira sendo um sonho e seguiremos sufrindo os recortes de liberdades que seguiram em aumento porque a estratexia global do medo é moi boa para os poderosos.

Poesía do país irmao

Estes días andaba eu um pouco desganado e nom sabía que ponher no blogue, a verdade é que tenho cousas escritas mais nom acabam de convencerme e falando com umha amiga animoume a que puxera algum poema dumha páxina que ela me amosara de poesia portuguesa. Eu dinlhe a volta a ideia e pedinlhe a ela que escolhera algúm, ai vos deixo a súa escolha:

Meu Fado Meu

Trago um fado no meu canto
Canto a noite até ser dia
Do meu povo trago pranto
No meu canto a Mouraria

Tenho saudades de mim
Do meu amor, mais amado
Eu canto um país sem fim
O mar, a terra, o meu fado

De mim só me falto eu
Senhora da minha vida
Do sonho, digo que é meu
E dou por mim já nascida

Trago um fado no meu canto
Na minh'alma vem guardado
Vem por dentro do meu espanto
A procura do meu fado




As ondas

As ondas quebravam uma a uma Eu estava só com a areia e com a espuma Do mar que cantava só para mim.

Sophia de Mello Breyner Andresen



Calçada de Carriche

Luísa sobe, sobe a calçada, sobe e não pode que vai cansada. Sobe, Luísa, Luísa, sobe, sobe que sobe sobe a calçada. Saiu de casa de madrugada; regressa a casa é já noite fechada. Na mão grosseira, de pele queimada, leva a lancheira desengonçada. Anda, Luísa, Luísa, sobe, sobe que sobe, sobe a calçada. Luísa é nova, desenxovalhada, tem perna gorda, bem torneada. Ferve-lhe o sangue de afogueada; saltam-lhe os peitos na caminhada. Anda, Luísa. Luísa, sobe, sobe que sobe, sobe a calçada. Passam magalas, rapaziada, palpam-lhe as coxas não dá por nada. Anda, Luísa, Luísa, sobe, sobe que sobe, sobe a calçada. Chegou a casa não disse nada. Pegou na filha, deu-lhe a mamada; bebeu a sopa numa golada; lavou a loiça, varreu a escada; deu jeito à casa desarranjada; coseu a roupa já remendada; despiu-se à pressa, desinteressada; caiu na cama de uma assentada; chegou o homem, viu-a deitada; serviu-se dela, não deu por nada. Anda, Luísa. Luísa, sobe, sobe que sobe, sobe a calçada. Na manhã débil, sem alvorada, salta da cama, desembestada; puxa da filha, dá-lhe a mamada; veste-se à pressa, desengonçada; anda, ciranda, desaustinada; range o soalho a cada passada, salta para a rua, corre açodada, galga o passeio, desce o passeio, desce a calçada, chega à oficina à hora marcada, puxa que puxa, larga que larga, puxa que puxa, larga que larga, puxa que puxa, larga que larga, puxa que puxa, larga que larga; toca a sineta na hora aprazada, corre à cantina, volta à toada, puxa que puxa, larga que larga, puxa que puxa, larga que larga, puxa que puxa, larga que larga. Regressa a casa é já noite fechada. Luísa arqueja pela calçada. Anda, Luísa, Luísa, sobe, sobe que sobe, sobe a calçada, sobe que sobe, sobe a calçada, sobe que sobe, sobe a calçada. Anda, Luísa, Luísa, sobe, sobe que sobe, sobe a calçada.

António Gedeão, Poesias Completas (1956-1967)

Agradecerlhe á amiga a escolha realizada e que vos guste ao resto.