Aturar

Há veces em que a um lhe saem mal as cousas e vive momentos de moral baixa, eu nestes momentos estou así. Como muitos dos que me conhecedes sabedes ultimamente estou num momento da minha vida de desencanto militante e algum teminha máis que me ronda a cabeza.

O que nom agardaba que pasara era que a selecçóm do estado colonizador chegara a final da Eurocopa. Estes días encendes a radio pos a tele e estam os espanhois falando da "roja", vaia tambem forom dar co nome, mas eu chamareina a inquisidora. Inquisidora porque para chegar aí impidem as selecçóns nacionais da Galiza, de Euskal-Herria e dos Paisos Cataláns competir a nivel oficial e o fam por medo. O medo que tenhem a que os superaramos e por eso nos impidem participar.

Estes días se te paras a ouvir ou ver as novas, escoitas um discurso moi semelhante ao que esas mesmas persoas criminalizam a diario, mas claro este discurso vem do poderoso. Nom vem dum cidadám de Euskal-herria, dum catalám ou dum galeguinho vem do colonizador, ese que se rasga as vestiduras contra os nacionalismos periféricos.

Dicir tambem que alegrome que algum político nacionalista, nom é o caso dos galegos, que nom tem medo a saír num mass media espanhol decindo que nom deseja a victoria de la Inquisidora e alegrome que alguem o diga porque a minha voz e a de muitos estes días nom teria cabida em ningum deses medios desinformativos.

Tócanos sufrir, se ganham haberá que aturalos com calma e intentando nom perdelas formas demostrando a nossa indiferenza. Porque eles ganharam mas nom poderam berrar tam alto e forte como facemos nós, porque o nosso himno tem letra e o deles nom.

Em piragua pola ría

Dende pequeno sempre fum namorado de todo o que tinha que ver co mar, sempre me atraeu a ideia de probar a montar numha piragua e onte por fim tivem a oportunidade grazas a um amigo.

A experiencia transcorreu no entorno de Mugardos, saíndo da súa praia e chegando ate as portas de Punta Promontorio, sim as portas da mole de Reganosa e Forestal (algum día haberá que falar desta empresa que para muitos pasa inadvertida). A verdade é que me gustou muito e conto voltar a repetila e facelo melhor do que o fixem desta vez, tivem algum problema co timom da embarcaçóm e cando um barco que saia do peirao de Curruxeiras (Ferrol) provocou algumha onda mas nom se produciu ningúm problema destacábel.

A verdade umha das cousas que máis me chamou a atençóm foi que na zona da praia de Mugardos podíanse apreciar muitos peixes, algo destacábel vendo o estado no que se atopam as augas da ría. Na zona do peirao de Mugardos notábase umha gram cantidade de aceites na superficie da ría e tambem a gram sucidade que había em Punta Promontorio. Pódese dicir que temos as nossas rías em estado terminal e que já urxem medidas para resolver este problema ou cando nos demos conta teremos perdido a gram riqueza que suponhem.

Esta claro que as políticas levadas nos anos do ministro franquista coas axudas europeas nos levarom as nossas rías a estar neste estado. Inverteuse o dinheiro em paseios marítimos, mausoleos e portos deportivos deixando a um lado o saneamento das nossas rías co que significa isto, a perdida dum dos nossos recursos que nos fai únicos as rias.

Hoje vos quería falar da experiencia e nom do estado das rías asim que vos deixo, cum conselho se algum día podedes nom deixedes de probar a experiencia de montar numha piragua porque poderedes olhar as cousas dende o lado contrario que a maioría das veces, é dicir, dende o mar.

Festa rachada

Por um día vou falar de algo diferente. Esta sexta feira houbo festa rachada na capital da nacçóm, co motivo da celebraçóm do aniversario do cineclube Compostela e estas festas som recomendábeis polo bem que se pasa (eu já disfrutei da do ano pasado). Este ano a festa foi apoteosica sendo um éxito a todos os niveis (daba gusto vela gentalha chea de xente). A festa tinha umha defendía umha ideia que todos debiamos ter presente “A propiedade intelectual é um roubo”

A festa estaba bem programada, comezaba ás 8 da tarde co pase dumha película eu por motivos axenos a minha vontade nom pudem chegar á película. Despois a xente de Berrobambán teatro fixerom a súa aportaçóm á festa facéndonos quentar os motores da apoteose que estaba por chegar.

Logo comezou a tomar peso a música na festa. Empezou Emilio José, a verdade é que eu aproveitei o momento para tomar uns grolos e colher azos para o furacám ataque escampe que presentabam ante os seus fans máis radicais o seu primeiro cd de título tam forte como real Galicia es una mierda. Que dicir dos ataque escampe em dúas palabras im-presionante, lamentar o gram número de mancados que houbo durante o concerto aínda que nom há que lamentar ningumha lessom grave. Entre berros de o cineclube es una mierda do publico rematarom o concerto.

A continuaçóm sairom ao cenario o gram Leo e Garcia de DKTC, um espectáculo novidosos quixerom facerlhe a Celso Emilio Ferreiro. Empezou Leo co seu recordo aos “admirados de Galicia Bilingüe”, eses grandes defensores da liberdades, adicandolhes a súa cançóm Bilingüismo harmónico. Logo tocoulhe o turno a Garcia que recitou em clave hip hop um poema de Celso Emilio e así até o remate.

A traca final foi ver tocando xuntos a Leo, Emilio José, Garcia e os Ataque Escampe. A festa que empezou ás 8 da tarde rematou varias horas máis tarde, a festa na gentalha porque logo continuou por outros antros de Compostela.

Dicir que durante a festa había postos de venda de camisolas co lema a propiedade intelectual é un roubo, o novo cd dos Ataque Escampe e o primeiro libro de estaleiro editora (a que lhe desejo dende aquí muitos éxitos).

A próxima festa anímovos a acudir porque o ides pasar em grande.

Perdim a virxinidade

Era sábado seríam sobre as catro da tarde, descolguei o telefone. Ao outro lado da línea umha voz feminina falándome em espanhol. Ela presentase di para quem trabalha e empeza a preguntar.

Eu pensando alguém estará tomándome o pelo, vou poder dicir o que me sae do caralho. A primeira pregunta e cantas persoas vivem na casa e as idades que tenhem, contesto. Pregúntame a minha idade e empeza o interesante, a primeira pregunta é a que partido nom votaría nunca, eu contesto aos espanholistas. O outro lado da línea silenzo, a rapaza pregunta, a que te refires por espanholistas? eu tento explicarlho e ela parece entrar em razóm.

Logo toca preguntar se vou votar, digolhe que creo que sim, pregúntame a quem e contesto. Pregúntame como me defino ideoloxicamente digolhe que som de esquerdas e independentista, ela cala. Agora toca analizar lideres políticos, nom aproba ningúm aos do PP doulhes um 0, aos do psoe e o do BNG levam um 2 (para mim é o que se merece incluso algo menos) e Llamazares um 3. A tía cala, parece nom entender nada e volve a preguntar polo líder do BNG digolhe que um 2.

Dime para rematar quería preguntarlhe se é cristiá, ateo ou profesa outras relixións ao que eu lhe contesto ateo.

A rapaza despídese dáme as gracias, a metade da entrevista (cando lhe dixem os dos partidos espanholistas) mudou de idioma e pasou ao galego. Por fim vou ter voz nas enquisas, sento de novo no silhom e empezo a cavilar. Miro en internet máis dados sobre a empresa que me chamou e cal é a minha sorpresa que trabalha para medios próximos ao PP.

Poesía do país irmao

Estes días andaba eu um pouco desganado e nom sabía que ponher no blogue, a verdade é que tenho cousas escritas mais nom acabam de convencerme e falando com umha amiga animoume a que puxera algum poema dumha páxina que ela me amosara de poesia portuguesa. Eu dinlhe a volta a ideia e pedinlhe a ela que escolhera algúm, ai vos deixo a súa escolha:

Meu Fado Meu

Trago um fado no meu canto
Canto a noite até ser dia
Do meu povo trago pranto
No meu canto a Mouraria

Tenho saudades de mim
Do meu amor, mais amado
Eu canto um país sem fim
O mar, a terra, o meu fado

De mim só me falto eu
Senhora da minha vida
Do sonho, digo que é meu
E dou por mim já nascida

Trago um fado no meu canto
Na minh'alma vem guardado
Vem por dentro do meu espanto
A procura do meu fado




As ondas

As ondas quebravam uma a uma Eu estava só com a areia e com a espuma Do mar que cantava só para mim.

Sophia de Mello Breyner Andresen



Calçada de Carriche

Luísa sobe, sobe a calçada, sobe e não pode que vai cansada. Sobe, Luísa, Luísa, sobe, sobe que sobe sobe a calçada. Saiu de casa de madrugada; regressa a casa é já noite fechada. Na mão grosseira, de pele queimada, leva a lancheira desengonçada. Anda, Luísa, Luísa, sobe, sobe que sobe, sobe a calçada. Luísa é nova, desenxovalhada, tem perna gorda, bem torneada. Ferve-lhe o sangue de afogueada; saltam-lhe os peitos na caminhada. Anda, Luísa. Luísa, sobe, sobe que sobe, sobe a calçada. Passam magalas, rapaziada, palpam-lhe as coxas não dá por nada. Anda, Luísa, Luísa, sobe, sobe que sobe, sobe a calçada. Chegou a casa não disse nada. Pegou na filha, deu-lhe a mamada; bebeu a sopa numa golada; lavou a loiça, varreu a escada; deu jeito à casa desarranjada; coseu a roupa já remendada; despiu-se à pressa, desinteressada; caiu na cama de uma assentada; chegou o homem, viu-a deitada; serviu-se dela, não deu por nada. Anda, Luísa. Luísa, sobe, sobe que sobe, sobe a calçada. Na manhã débil, sem alvorada, salta da cama, desembestada; puxa da filha, dá-lhe a mamada; veste-se à pressa, desengonçada; anda, ciranda, desaustinada; range o soalho a cada passada, salta para a rua, corre açodada, galga o passeio, desce o passeio, desce a calçada, chega à oficina à hora marcada, puxa que puxa, larga que larga, puxa que puxa, larga que larga, puxa que puxa, larga que larga, puxa que puxa, larga que larga; toca a sineta na hora aprazada, corre à cantina, volta à toada, puxa que puxa, larga que larga, puxa que puxa, larga que larga, puxa que puxa, larga que larga. Regressa a casa é já noite fechada. Luísa arqueja pela calçada. Anda, Luísa, Luísa, sobe, sobe que sobe, sobe a calçada, sobe que sobe, sobe a calçada, sobe que sobe, sobe a calçada. Anda, Luísa, Luísa, sobe, sobe que sobe, sobe a calçada.

António Gedeão, Poesias Completas (1956-1967)

Agradecerlhe á amiga a escolha realizada e que vos guste ao resto.

Um país que merece a pena visitar

Acabo de regresar dumha viagem por Euskal-herria (a minha primeira visita) e volvo moi contento do país que me atopei, da súa beleza e do sentimento nacional que vim. Antes de seguir agradecer a xente que me tratou tam bem.

Todo comezou o pasado sábado cando cheguei a Bilbo, ao barrio de Deusto, e aparquei o meu carro ao lado do que dim que é umha igrexa. Visitei a cidade de Bilbo durante um dia e meio é a cidade está moi bem, o casco velho tem unhas tabernas moi chulas com uns pinchos moi apetitosos (ese Champi) e a zona que rodea a ría que sufriu umha lavado de cara nos últimos anos e deixouna moi chula.

Outro día os meus anfitrións tinhanme preparada umha visita a varios pobos de Bizkaia vim Gaztelugatxe, Bermeo, Mundaka, Gernika e Durango. Em Gaztelugatxe puidem comprobar que em EH há futuro com esa juventude o nacionalismo e o independentismo basco tenhem futuro, so ver como tocabam as campas da ermida.

Logo fumos a Bermeo, e quedei abraiado coa cantidade de xente que había pola rúa coa súas cuadrilhas tomando uns pintxos, pola rúa podías atopar a xente de todas as idades e era curioso como a partir das tres da tarde as rúas empezarom a quedar baleiras. E em Bermeo foi no primeiro sitio onde quedei abraiado coa ikurinha que tinham posta no seu peirao, logo puidem ver que é umha practica comúm em todo o territorio, semelhante em tamanho a que tem posta Paco Vázquez no paseio marítimo da Corunha.

A continuaçóm fumos a Mundaka a terra dos surferos,o pobo pode parecerse a Malpica, um pobo pequeno recolhido. Logo fumos a Gernika onde pudem ver a devoçóm dos bascos cando estám nese lugar, so ver como se ponhem ao lado da arbore pom os pelos crespos da emoçóm (como diría Xurxo Souto), há umha foto que o demostra e que nom vou ponher aquí. Para rematar a jornada leváronme a Durango.

A verdade é que ao final do día estaba abraiado cos pobos que vim ese día e coa cantidade de xente que vim pola rúa, quitando Mundaka onde estivemos á hora da comida e aínda así había xente facendo surf.

Outra jornada fumos a pobos do interior. Visitamos Elorrio um pobo moi coidado e cumha igrexa que debedes visitar se ides a Euskal-herria há umha imaxe dum senhor do povo que ao que eu chamei o santo dos elefantes porque segúm me contou a minha guía na viagem o senhor foi evanxelizar á India. Logo fumos a Oñati um pobo onde que tem umha das universidades máis antigas de Euskal-Herria, um edificio moi antigo e moi bem conservado e que a mim me recordou ao Pazo de Fonseca de Compostela aínda que é de umha época diferente. A seguinte visita do día foi ao monte de Arantzazu, situado ao lado do pobo de Oñati, neste monte atopamos neve (ese día nevara em algúns dos cumes de EH), neste lugar há um monasterio e umha igrexa que tem umhas torres horríbeis ao seu lado montarom um edificio digno do nosso país pola forma que tem e que nese sitio nom pinta nada. Para rematalo día visitamos Bergara umha das cidades senhorais de EH, um povo que conta com umhas casas espectaculares.

A seguinte excursom que realizamos ja foi cando estabamos establecidos em Lezo, a visita foi ao País Basco Francés. Visitamos Baiona e logo mentres volviamos para Lezo num recorrido pola costa vimos outras cidades (San Juan de Luz, Hendaia). A verdade é que Baiona é umha cidade bonita com umha arquitectura peculiar.

O último día a anfitrioa levounos a feira de Santo Tomas e a verdade é que a tod@s os festeiros que conhezo vaivos gustar muito. Debemos empezar a plantexarnos facer viagens organizados a esta feira, nós so estivemos pola manha e había umha cantidade de xente que podía facer crer que era um dia festivo máis nom era así.

Esta foi umha análise curta de 6 días onde nom parei, darlhe as gracias a tod@s os que me aturarom estes días e dicirvos que voltarei.

E a tod@s os que visitades o castro tedes que saber que Renteria nom existe o seu nome é Orereta. Nem Renteria nem Errenteria o nome é Orereta

Estou de volta

Onte a noite regresei ao castro despois duns días de viagem por diversos puntos do mundo no que vivimos e ao regresar vejo que o galinheiro anda revolto cum rei que se adica a mandar calar num plam moi proprio dum senhor que pensa que segue a estar ante uns colonos del, mais iso o analizarei em vindeiras ocasións.

Do que vos vou falar hoje é do que vim estes días nos diferentes sitios os que estivem. Como algúns sabedes, estivem em varias cidades de Portugal e em Dublín e paseino em grande e volvim moi contento co que vim e conto volver num futuro.

Em Portugal estivem em Guimarães o primeiro día, a verdade é que fum porque um amigo recomendarame a cidade e a verdade é que mereceu a pena. É a cidade perfeita se queredes facer umha escapada de fim de semana, na que atoparedes um casco antigo moi bem coidado e com muitas prazas pequeninhas onde podes tomar umha cerveja nas muitas terrazas que há. Tambem atoparedes um castelo medieval (nom puidem entrar) cum aspecto espectacular e o pazo dos condes de Braga. Como vós dicía antes nom dubidedes em pasar alí um fim de semana.

Logo de Guimarães ocorréuseme pasar por Braga, nom foi moito tempo, mais gostei da cidade que vim. Visitei o seu casco histórico e a conclussom é que é umha cidade interesante.

A maior parte dos días os pasei na casa dum bo amigo no Grande Porto (OBRIGADO), a verdade é que tivem muita sorte co tempo que me acompanhou nesta viagem (sobre todo em Portugal) porque deume a oportunidade de recorrer Porto e os seus alrededores sem ter que empregar o carro. Gosto muito das cidades que tenhem a maré próxima e com bo tempo podes visitala e a ves no seu máximo esplendor e a mim foi o que me pasou nesta viagem. Porto encantoume tivem umha boa guía (Obrigado Teresa) que me daba recomendaçóns do que debía ver. Volvím encantado de Portugal e a terceira vez que vou e cada día o paso melhor.

E a última escala da minha viagem foi Dublín. Atopamos umha cidade espectacular e que com máis tempo me gostaria volver a visitar e conhecer máis de Irlanda. Atopamos umha cidade moi diferente ás que conhecemos, com edificios baijos e com muita vitalidade. Probamos as pintas de cerveja e a verdade é que alí a cerveja nos rascou menos que a que tomamos aquí, moito falamos deste tema.

Esta foi a análise da viagem que fixem. Tenho muitas fotos, estivem em plam oriental como dicíam os que me acompanharom (perdoade se em algúm momento estivem de mal humor e obrigado polo bem que o pasei estes días).

A lista pedida

Onte botandolhe umha olhada a blogosfera nacional vim que num blog amigo que me pasabam o testigo para que fixera umha lista de oito cousas. Eu como som pouco orixinal vou a facela de música, grupos, concertos, discos que marcaronme algumha etapa da minha vida.
- A Galicia de Maeloc de Milladoiro foi o primeiro disco que sonou na minha casa. Meus pais som entusiastas da música galega. De feito o meu pai tem vinilos de milladoiro (os primeiros discos), de fuxan os ventos, Amancio Prada, Emilio Cao. Coa maioría destes discos pasei momentos da infancia mais o que máis me marcou foi a Galicia de Maeloc de Milladoiro.



- Amancio Prada num concerto no adro da igrexa de Pontedeume um dos meus tios levoume, a mim um neno de poucos anos, a pedirlhe um autografo. O meu primeiro e único autografo é de Amancio Prada. Probablemente foi um dos meus primeiros concertos aos que asistim, ese ou o que organizara a A.C.R.D. O Pote (dous anos seguidos) no que estiveram os Milladoiro e Fuxan Os Ventos, despois veu o de apoio aos trabalhadores de Astano.
- Use your illusion II de Guns n' roses foi o primeiro cd que merquei. Era o ano 92 estabamos rematando 8 de EXB, foi a época de Guns n' roses merquei a súa discografia entera e cambiei o relojo de mam porque Axel o levaba na man dereita. Eu tambem tivem época friki jejjeje
- ¿ Hay alguien ahí? dos Suaves. Um discazo do grupo de Ourense que escoitei días e días, logo canseime deles despois dum concerto de Ferrol ao que fumos e que Yosi jodeu. Logo vinherom outros grupos como os Mago de Oz, Barricada, Rosendo.
- Skacha no ano 99 chegabame um cd deles. Um CD me amosou um grupo galego que facía música combativa. Como muitos sabedes os skacha som um dos grupos que máis me gustam e nom podíam deixar de aparecer nesta lista.
- Muguruza na Capitol, um concertazo em pleno mes de Janeiro. A capitol a reventar e o gram Muguruza nom faltou a súa cita. Saltei,cantei, bailei e bebim ao ritmo do número 1. Fermin e a Kontrabanda foi um dos melhores concertos da minha vida.
- En moviment de Obrint pas, o penúltimo disco desta banda dos Paisos Catalans um disco em directo increibel. A verdade é que os obrint pas som do melhorcinho que ha, dende a primeira vez que os vim em directo na Rondalha da Bandeira do ano 2005 ata hoje um dos meus grupo de refencia. Ja os conhecia antes mais ganham em directo.
- Skarnio, nom podia faltar nesta lista o colectivo galego máis combatente. Skarnio é o grupo capaz de tocar enriba dum camiom, como fijerom este ano, ata montar umha grande festa aínda que o concelho corte a luz (festa das letras da gentalha do pichel do ano pasado) por eso para mim som os máis grandes e cum directo espectacular.



Aí vos queda a minha lista agardo os comentarios de todos, a ver como me ponhedes.
Vemonos a volta