BNG

Fai um mes celebrábase na Corunha o 25 aniversario da assambleia constituínte do BNG. Celebrábanse 25 anos de historia da organizaçóm máis destacada que tem o nosso país, a celebraçóm prodúcese no momento no que o BNG tem máis cuota de poder, pero para acadar este poder a organizaçóm tivo que mudar muitos dos seus principios.
Som umha persoa moi critica coa posiçom actual do BNG, incluso podo dicir que prefiro um BNG com menor cuota de poder e com umhas ideias máis claras, porque actualmente o discurso que intenta ofrecer o portavoz nacional é ambiguo por nom dicir que para os que aspiramos á liberaçóm do nosso pobo deprimente.
Nom sei quem é a persoa que aconselha a Quintana pero a verdade é cada día que pasa o portavoz nacional do BNG cáeme pior e nom sei que caminho segue. Por um lado creo que a politica que esta facendo na súa conselhería é moi semelhante a que tanto criticabamos cando gobernaba o PP, publicidade nos mass media e bailes cos velhos, e por outro lado polo caminho ao que tenta levar ao BNG.
Pero a verdade é que dentro do BNG ha muita xente, que nom traga co que esta pasando como se puido comprobar na ultima assambleia nacional de finais do ano 2006 onde se presentarom 4 candidaturas para o conselho nacional e que ao final deu como resultado um 60-40 que vem a evidenciar que nom tódolos militantes aceptam o caminho que leva a organizaçóm.



O BNG é umha organizaçóm que debe voltar a recuperar certos principios fundacionais, o BNG nom debe ter medo a dicir que é umha organizaçóm de esquerdas e que tem como obxectivo a liberaçóm nacional do nosso pobo. Que sempre estará na rúa defendendo os intereses do pobo galego sem medo ás criticas que poda recibir.
Porque se o BNG perde votos é porque para muita xente o BNG representaba um partido diferente, incluso pode dicirse que era umha organizaçóm que estaba fora do sistema e nom tinha medo a defender os intereses do pobo ao que representaba. Agora mesmo desde algúns sectores da organizaçóm a ideia que se pretende vender é a do BNG como umha organizaçóm dócil que se atopa dentro do sistema e que pode gobernar sem que ninguém tema polos radicais do BNG, porque o BNG de Quim ja nom é ese BNG.

O máis triste é o papel que o partido máis antigo do BNG esta a defender. Esa organizaçóm que fai 30 anos defendía a este país com luita e sem medo, agora vive moi cómoda dentro do sistema que tanto criticabam, sem que em ningúm momento explicaram o motivo do cambio da súa postura e mais tenhem a cara de dicir que eles seguem a defender a postura de sempre. Onde queda a causa de Moncho Reboiras ese home ao que recordam o día 12 de agosto de cada ano.

Para muitos militantes velo BNG actual é duro porque som xente que luitou por este país, por eso dentro da organizaçóm estas xurdindo colectivos que luitam por recuperalo projecto inicial da organizaçóm sendo conscientes de que o caminho é duro máis polo menos ha que intentalo porque sabem que o país precisa dum BNG diferente ao actual.