Nengumha agressom sem resposta !!

Estes días volvese a escoitar com forza este berro despois do ultimo asasinato cometido por xente da extrema dereita, asasinato que se une aos muitos ocorridos de mans desta xentuza.
O acontecido no metro de Madrid o pasado domingo é algo moi grave ao que como sempre os mass medias nom lhe dam muita importanza porque vem da extrema-dereita e iso para algúns nom é tam grave.
Umha vez que um entra a ler as novas dos ataques destes animais acaba descubrindo que muitos deles som persoas encargadas de "defender ao estado", que no seu tempo livre adicase a ir polas rúas limpando a xente que lhes sobra na súa españa.


O problema é que sucesos como os do metro estánse facendo habituais,é raro que nom apareza nos mass media um caso de emigrantes que sofrem malheiras de mans destes grupusculos, sem que ninguém faga nada ou levante a voz. O ocorrido em Madrid,o do metro de Barna ou ao ecuatoriano de Alcalá de Henares ao que deixarom parapléxico som a gota que debe enchelo vaso e facer que eses governos que tanto atacam as organizaçóns independentistas e de esquerdas antisistema se plantexem actuar contra esta xentuza.
Há umha larga lista de persoas que ja nom estám aquí por culpa destes elementos, onte dandolhe umha olhada a rede atopei umha lista dalgunhas das vítimas desta xente. Nesta lista temos xente que nos soa máis ou menos, casos como os do valencia Guillem Agulló ou o vasco Aitor Zabaleta estám máis próximos para algúns pero nom som os únicos. O povo espanhol foi um povo de emigrante e agora esta tratando dum xeito nojento as miles de persoas que fam o mesmo que fijerom os nossos durante tanto tempo, a ignorancia desta xente é um perigo porque lévaos a dicir muitas tonterias e a facer actos contra esta xente que so esta a buscar a melhora na súa vida.
E cal é a resposta dos mass media? mentiras e insultos contra os antifascistas. Dende que ocorreu o suceso do metro de Madrid forom muitas as persoas que sairom a rúa a protestar contra o ocorrido, porque o próximo pode ser calquera persoa como nós que um día vai pola rúa e se atopa cum descerebrado destes. E sem embargo o único que sae nos medios e que os antifascistas a montam cando o realmente grave é a impunidade dos seus delitos, nom fai muito saia nos contrainformativos que o asasino de Aitor Zabaleta reducirase a condena (cando esta persoa ja era conhecida por cometer máis actos xenófobos).
Nesta bisbarra estes días esta xente tambem fijo algumha das súas dum xeito covarde (pola noite), andiverom facendo pintadas e borrando os murais feitos pola esquerda independentista nos últimos tempos.
Nengumha agressom sem resposta!!!. Hoje 20-N temos que berralo máis forte sem medo e sem deixarnos pisar por esta xente.
Déixovos co tema que lhe adicou Obrint pas a Guillem Agulló.

Estou de volta

Onte a noite regresei ao castro despois duns días de viagem por diversos puntos do mundo no que vivimos e ao regresar vejo que o galinheiro anda revolto cum rei que se adica a mandar calar num plam moi proprio dum senhor que pensa que segue a estar ante uns colonos del, mais iso o analizarei em vindeiras ocasións.

Do que vos vou falar hoje é do que vim estes días nos diferentes sitios os que estivem. Como algúns sabedes, estivem em varias cidades de Portugal e em Dublín e paseino em grande e volvim moi contento co que vim e conto volver num futuro.

Em Portugal estivem em Guimarães o primeiro día, a verdade é que fum porque um amigo recomendarame a cidade e a verdade é que mereceu a pena. É a cidade perfeita se queredes facer umha escapada de fim de semana, na que atoparedes um casco antigo moi bem coidado e com muitas prazas pequeninhas onde podes tomar umha cerveja nas muitas terrazas que há. Tambem atoparedes um castelo medieval (nom puidem entrar) cum aspecto espectacular e o pazo dos condes de Braga. Como vós dicía antes nom dubidedes em pasar alí um fim de semana.

Logo de Guimarães ocorréuseme pasar por Braga, nom foi moito tempo, mais gostei da cidade que vim. Visitei o seu casco histórico e a conclussom é que é umha cidade interesante.

A maior parte dos días os pasei na casa dum bo amigo no Grande Porto (OBRIGADO), a verdade é que tivem muita sorte co tempo que me acompanhou nesta viagem (sobre todo em Portugal) porque deume a oportunidade de recorrer Porto e os seus alrededores sem ter que empregar o carro. Gosto muito das cidades que tenhem a maré próxima e com bo tempo podes visitala e a ves no seu máximo esplendor e a mim foi o que me pasou nesta viagem. Porto encantoume tivem umha boa guía (Obrigado Teresa) que me daba recomendaçóns do que debía ver. Volvím encantado de Portugal e a terceira vez que vou e cada día o paso melhor.

E a última escala da minha viagem foi Dublín. Atopamos umha cidade espectacular e que com máis tempo me gostaria volver a visitar e conhecer máis de Irlanda. Atopamos umha cidade moi diferente ás que conhecemos, com edificios baijos e com muita vitalidade. Probamos as pintas de cerveja e a verdade é que alí a cerveja nos rascou menos que a que tomamos aquí, moito falamos deste tema.

Esta foi a análise da viagem que fixem. Tenho muitas fotos, estivem em plam oriental como dicíam os que me acompanharom (perdoade se em algúm momento estivem de mal humor e obrigado polo bem que o pasei estes días).

A lista pedida

Onte botandolhe umha olhada a blogosfera nacional vim que num blog amigo que me pasabam o testigo para que fixera umha lista de oito cousas. Eu como som pouco orixinal vou a facela de música, grupos, concertos, discos que marcaronme algumha etapa da minha vida.
- A Galicia de Maeloc de Milladoiro foi o primeiro disco que sonou na minha casa. Meus pais som entusiastas da música galega. De feito o meu pai tem vinilos de milladoiro (os primeiros discos), de fuxan os ventos, Amancio Prada, Emilio Cao. Coa maioría destes discos pasei momentos da infancia mais o que máis me marcou foi a Galicia de Maeloc de Milladoiro.



- Amancio Prada num concerto no adro da igrexa de Pontedeume um dos meus tios levoume, a mim um neno de poucos anos, a pedirlhe um autografo. O meu primeiro e único autografo é de Amancio Prada. Probablemente foi um dos meus primeiros concertos aos que asistim, ese ou o que organizara a A.C.R.D. O Pote (dous anos seguidos) no que estiveram os Milladoiro e Fuxan Os Ventos, despois veu o de apoio aos trabalhadores de Astano.
- Use your illusion II de Guns n' roses foi o primeiro cd que merquei. Era o ano 92 estabamos rematando 8 de EXB, foi a época de Guns n' roses merquei a súa discografia entera e cambiei o relojo de mam porque Axel o levaba na man dereita. Eu tambem tivem época friki jejjeje
- ¿ Hay alguien ahí? dos Suaves. Um discazo do grupo de Ourense que escoitei días e días, logo canseime deles despois dum concerto de Ferrol ao que fumos e que Yosi jodeu. Logo vinherom outros grupos como os Mago de Oz, Barricada, Rosendo.
- Skacha no ano 99 chegabame um cd deles. Um CD me amosou um grupo galego que facía música combativa. Como muitos sabedes os skacha som um dos grupos que máis me gustam e nom podíam deixar de aparecer nesta lista.
- Muguruza na Capitol, um concertazo em pleno mes de Janeiro. A capitol a reventar e o gram Muguruza nom faltou a súa cita. Saltei,cantei, bailei e bebim ao ritmo do número 1. Fermin e a Kontrabanda foi um dos melhores concertos da minha vida.
- En moviment de Obrint pas, o penúltimo disco desta banda dos Paisos Catalans um disco em directo increibel. A verdade é que os obrint pas som do melhorcinho que ha, dende a primeira vez que os vim em directo na Rondalha da Bandeira do ano 2005 ata hoje um dos meus grupo de refencia. Ja os conhecia antes mais ganham em directo.
- Skarnio, nom podia faltar nesta lista o colectivo galego máis combatente. Skarnio é o grupo capaz de tocar enriba dum camiom, como fijerom este ano, ata montar umha grande festa aínda que o concelho corte a luz (festa das letras da gentalha do pichel do ano pasado) por eso para mim som os máis grandes e cum directo espectacular.



Aí vos queda a minha lista agardo os comentarios de todos, a ver como me ponhedes.
Vemonos a volta