Spain is different

Este era o nome dumha campanha, senom recordo mal, publicitaria que se fijo na década dos 90 e a verdade é que acertarom. Digo que acertarom porque o deste estado é de traca.

Nos últimos tempos estam pasando cousas que demostram que por muito que nos digam a diario que este estado é umha potencia semelha mais umha república bananeira. Empezamos por umha asociaçóm que se cre no dereito a decidir que grupos podem tocar e que grupos som moi malos ,e proetarras,e nom podem tocar é a AVT. Durante este veram vimos como se adicam a dar conselhos morais aos concelhos sobre os grupos que nom se debem contratar. Na Galiza houbo dous casos salientábeis, um foi o de Muguruza em Compostela e outro o sucedido em Ferrol co grupo Banda Bassotti. A AVT chegou mais lonxe com outro grupo S.A. aos que levou a juizo, perdéndoo mais nom respeitando o veredicto recurrirom e volverom a perder.

Outra das cousas que me fam pensar que estamos numha república bananeira é o que esta a pasar dum tempo para aquí coa familia real. Dende que se produciu o secuestro de “el jueves” abriuse a veda, incluso dende a emisora feixista da Cope estam dandolhe canha ao Borbom. E eu preguntoume porque umha persoa pode ter máis dereitos que o resto por nacer no seo dumha familia, porque um republicano ou um independentista nom podem queimar imaxes se esa persoa so é um tío que vem imposto polo ditador que durante 40 anos reprimiu a xente. Som dos creo que as monarquías representam o máis antigo e casposo. Dende aquí o meu apoio aos companheiros cataláns que estam sendo perseguidos pola queima das imaxes.

E a última das cousas que me pom de mala hostia é o que esta a suceder em euskal-herria. O presidente elixido democraticamente polo pobo quere facer um referendo para que o seu pobo diga cal é o seu sentimento e os aparatos espanholistas adícanse a insultalo. Que é o que temem? que saia o resultado favorábel aos intereses dos nacionalistas. Nom falam sempre de democracia,da democracia que lhes interesa a eles, esa que se nom podem acadar á hora das votaçóns imponhem doutro xeito.

Por estas e algumhas cousas mais digo que spain is different.

Avante na luita contra as cousas que nom nos gustam porque o pobo tem o dereito a decidir que é o queremos.

O domingo tod@s a Ferrol contra Reganosa

O vindeiro domingo tod@s @s que queremos este país temos umha cita. Ás 12:00 horas sae do Peirao de Corujeiras em Ferrol a manifestaçóm convocada polo Comité Cidadán de Emerxencia para a Ría de Ferrol para protestar contra a ubicaçóm da pranta de gas da empresa Reganosa.

Som muit@s os que nom entendem aínda como se permite a localizaçóm de Reganosa dentro da ría, outros nom sabemos aínda que pinta esta industria neste país. Ninguém nos explicou aínda porque precisamos desa pranta aí, e cando a dam comentam que é precisa para certas empresas. Empresas que o único que fam é destruír o nosso ecosistema sem preocuparse do servizo que dam no nosso país, e logo levam os miles de milhons de beneficios a capital do pequeno imperio (como dicíam os da VA-CA).

O que máis pode chamar a atençóm deste tema é a actuaçóm dos tres partidos do parlamento, ningumha destas organizaçóns foi capaz de explicar os motivos da súa posiçóm. Mentres o BNG num primeiro momento mostrouse em contra da ubicaçóm, incluso pode dicirse que se levou a cabeceira na luita contra a ubicaçóm dum día para outro (umha vez acadada a alcaldía de Mugardos) pasou a dicir que ja que estaba aí había que tragar. Onde quedarom eses tempos da “Terra é nosa e nom de Fenosa”.

O PSOE coma sempre, negou posicionarse nim a favor nim em contra, é um xeito de que nom a tomem contigo. E o PP claramente a favor da sua ubicaçóm, e mais se temos em conta, polas novas que estám aparecendo, que varios dirixentes da anterior Xunta tenhem intereses económicos nesta empresa.

E que dicir dos mass media, estam moi calados apenas falam de Reganosa e cando o fam é para dicir que a empresa perde centos de milhons por cada retraso dos gaseiros á hora de atracar por culpa dos bloqueios que se estam facendo na ría. Reganosa conta no seu accionarado com empresas moi potentes, empresas que sabem como atraer a xente ao seu caróm (dinheiro para entidades e clubs deportivos da bisbarra e postos de trabalho para a xente de Mugardos). Nos últimos tempos a luita vai a mais.

Na bisbarra cada día vese máis xente que discrepa coa ubicaçóm. O Comité Cidadán está levando a cabo umha serie de iniciativas moi interesantes que estám atraendo a máis xente a súa banda. O domingo vémonos em Ferrol.

Remata o verám

Remata o verám é aínda que pareza o contrario,polos políticos que temos, o país segue vivo.

Durante esta tempada producíronse boas novas que nom fam mais que refrejar que a xente nom vai calar por muito que dende os silhóns dos gobernantes e os mass media nos vendam um país encantador. Em Trasancos, no Courel, em Vigo (coa toma de Toralha), por colher algúm exemplo producíronse acçons que nos demostram que a xente nom esta disposta a tragar co que está pasando.



Tamben ha que destacar a campanha da xente A.M.I. contra a turisficaçóm. Somos muitos os que cremos que o turismo nom é futuro. O futuro do pobo faise creando postos de trabalho e nom num sector onde a precariedade é o pilar. Ademais o turismo é umha forma de fomentar o colonianismo, so fai falha ver o que pasa em determinados sitios onde o que mais se escoita é o castelám dos da meseta.

No contrapunto atópanse outras organizaçóns que seguem de costas á sociedade, pensando no seu interese antes que nos cidadáns do pais. Cando a mocidade tem que marchar ou trabalhar por catro euros, eles so pensam nos seus soldos. Por um lado no parlamentinho, que diciam algúns fai uns anos, aproban um decreto que lhes vai permitir nom rascala máis na súa vida, nom so os do parlamentinho tambem aos altos cargos,alcaldes, deputados provinciais e muitos mais. Nos concelhos coa entrada das novas corporaçóns demostrouse que o importante para as persoas que entram nom é a situaçom dos concelhos senom os seus bolsilhos, o primeiro que fijerom ao chegar foi subirse os soldos, os de todos os partidos.

Por outra banda seguem a falarnos de cousas que segúm eles som imprescindíbeis para o país é que sem embargo a maioría nom vamos a empregar, como é o caso do AVE, para que queremos ese convoi se nom temos cercanias que nos permitam deixar os autocarros na casa. Nas estradas seguem a sangría de jovens mortos, empezouse cum boa medida como é a do noitebus, máis é preciso que se faga durante todo o ano e nom so nas épocas de feiras. Temos tambem umha autoestrada que dá pena e na que tes que pagar um prezo moi alto pola sua utilizaçóm sem que a empresa encargada do seu mantemento faga o mais mínimo por conservala.

É que dicir dos espanhois a súa única preocupaçón pasa porque cambiemos o himno nacional, sem comentarios.

Esta foi o meu análise do verám que remata ogalha que nom calemos e sigamos sendo tam combativos. Empezando em Ferrol o día 30.

Ja dim o paso

Hoje 20 de setembro abro a minha bitácora de internet onde vou divagar sobre os temas de actualidade e sobre o que me ronda pola minha cabeza.
Quedades todos invitados a participar neste experimento.